سلطة الخس بالزعتر... وتجهيزات رمضان

من طرف **MeNo ZaGo** الإثنين أغسطس 24, 2009 10:03 am

سلطة الخس
بالزعتر...

[size=12]هالسلطه الغريبه اخذتها من
بنت الكويت من موقع كويتيات.. حبيتها من مكوناتها لانها سريعه هههه...انا ضفت لها
جبن مبشور والزعتر ضفته اخر شي ما حمشته مع الخبز..طبعا تقدرون تضيفون مكونات حسب
الرغبه

المقادير:

خس
منوع

جبن كرافت
مبشور

ذره

خبز خفيف
مقصص حسب الرغبه

زيت
زيتون

زعتر

الدريسنغ:

صلصه ايطاليه
وانا استخدمت ماركه كريستال

شبنت

بقدونس

مايونيز

الطريقة:

نرش على الخبز زيت زيتون ونحمصه بالفرن.. وبعدين نخلطه مع زيت وزعتر او
نتركه للنهايه

نخل مقادير الدريسنغ بالخلاط

عشان نحافظ على التقرمش بالخس نغسله وانقعه بماي مثلج شويه وبعدين انشفه
وارده الثلاجه

نخلط الجبن مع الذره والخس والدريسنغ ونصفه بصحن
التقديم

نضيف الخبز فوقهم ونمرر عليهم زيت وزعتر مره ثانيه اذا حبيتو وبالف
عافيه

عجينه هند
الذهبيه...

سلطة الخس بالزعتر... وتجهيزات رمضان IMG_2573

هالعجينه معروفه بالنت
...و صاحبتها
مسميتها بهالاسم .. العجينه وايد حلوه وتنفع باي شي...وهي
من الوصفات المعتمده عندي .. جربوها وان شاء الله بتعجبكم

المقادير:
- 3 قلاصات وربع
طحين المطاحن الفاخر
- ربع كوب زيت
-4 قفاش كبيره حليب بودر
-فنجان قهوه
شكر= ربع كوب تقريبا
-كوب ونص ماي تقريبا
-قفشه كبيره بيكنغ باودر
-قفشه
كبيره خميره فوريه ناعمه
-قفشه صغيره ملح

الطريقه:
نعجن كل المقاديرالناشفه ونضيف الماي الدافي
بالتدريج... ساعات احتاج كوب وربع وساعات كوب ونص.. انتو ضيفو كوب وبعدين زيدو على
كيفكم .. ونعجنهم مع بعض لمده 10 دقايق تقريبا وبعدين نخمره بمكان دافي ونفردها
للحشوات اللي تحبونها.. خبزوها بفرن درجه حرارته 180 بالرف المتوسط وما تطول وبالف
عافيه

تجهيزات رمضان الله
يعوده علينا وعليكم...

طبعا الشغل الشاغل هالايام تجهيزات رمضان واخر كتب الطبخ وسوالف
المعرض... ابشركم شريت كتاب المطاحن هههه وطبعا عبير الراشد و غنيمه التركي وعرفات
الاربش .. واكشتفت ان وايد وصفات مكرره .. تحسون كل شي عندنا هبه حتى
بالوصفات المهم

.ExternalClass p.EC_MsoNormal, .ExternalClass li.EC_MsoNormal, .ExternalClass div.EC_MsoNormal
{margin-right:0in;margin-bottom:10.0pt;margin-left:0in;line-height:115%;font-size:11.0pt;font-family:'Calibri','sans-serif';}
.ExternalClass .EC_MsoChpDefault
{;}
.ExternalClass .EC_MsoPapDefault
{margin-bottom:10.0pt;line-height:115%;}
@page Section1
{size:8.5in 11.0in;}
.ExternalClass div.EC_Section1
{page:Section1;}

عشان اكون عند وعدي بنزل تجهيزاتي
للرمضان.. الصج اني ما جهزت وايد ومافيه فناتق كله العادي الصور اللي بحطها صور
تجهيز العام لان الصور اليديده كلش مو
واضحه

****نبتدي
بالسمبوسه

سلطة الخس بالزعتر... وتجهيزات رمضان DSC02264

سويت سمبوسه
اجبان مكسيكيه وهالبينو

اخذت فكره الغاليه مدام ين قصصت الهالبينو صغار كلش
وخلطتها مع خليط الاجبان ( الصوره موجوده بموضوع التكساس فرايز ) وزدتها تشيدر
وحشيت فيه السمبوسه

سمبوسه جبن
عادي

جبن
كرافت قصصته مكعبات وامررها بالزعتر واحشيها السمبوسه

سمبوسه لحم
مفروم

احمس البصل واذا صار شفاف اضيف له اللحم المفروم والفلفل الاسود
والبهار( استخدم بهار اسناد) والبزار واذا نشف مايه واستوا اسكر النار واضيف
البقدونس واذا برد احشي فيه السمبوسه

سمبوسه
خضار

اقصص بطاط وجزر مكعبات صغيره واسلقها على النار

احمس البصل مع نتفه ثوم واضيف لهم البهار والفلفل الاسود والكاري
والكمون واذا استوو اسكر النار واضيف لهم كزبرا خضرا مفرومه
واحشيها

سمبوسهتاكو

زاد
عندي من حمسه اللحم المفروم مالت التاكو زدتها جبن تشيدر وحشيت فيها
السمبوسه

سمبوسه
بيتزا

خلطت جبن موتزريلا وجبن تشيدر مع زيتون اسود مقطع وفلفل ملون مع
مشروم ورشه اوريغانو وشوي من صلصه البيتزا واحشيها

سمبوسه
السلق

هالسمبوسه وايد احبها .. احمس بصل وطماط واضيف لهم ماجي خضرا وسلق وملح
وفلفل وبهار وليمون اسود واتركه على النار لين يذبل واذا برد احشي فيه
السمبوسه

سمبوسه
البطاط

اسلق البطاط واخلطه مع حبوب كمون وحبوب كزبره خضرا واجار منجا وفلفل
اسود وكار.ي واحشي فيه السمبوسه

بعد
ما الفهم احطهم بصينيه بفريزر واذا جمدو احطهم بتبروير واكتب عليهم المحتوى واثلجهم
بالفريزر ونفس الشي بالنسبه للسبرنغ رول

هالسنه سويت بس نوعين سبرنغ رول

سلطة الخس بالزعتر... وتجهيزات رمضان DSC02266

سبرنغ رول
خضار

اقصص ملفوف وبيبي ذره وبصل وجزر مبشور ومشروم تايلندي واحمسهم مع ثوم
وزنجبيل وشوي تاي فش صوص وبهارات صينيه واحشي فيهم السبرنغ
رول

سبرنغ
رولربيان

شريت الربيان المثلج الصغير وحمست عليه نفس الحمسه بس
زدتها شوي من صلصه ماجي السائله وحطيتها معاهم

*** العرايس

سلطة الخس بالزعتر... وتجهيزات رمضان DSC02333

استخدمت وصفه العرايس الموجوده بالبلوق... وسويت طريقه ثانيه ... او
تقدرون تاخذونها جاهزه من اللحام

انا
اتعامل مع لحام الهدى بجمعيه بيان اخذت منه اللحم المفروم ورديت فرمته مع بصل وزدته
بقدونس وثوم وزنجبيل وطماط وبهار وفلفل اسود وشوي دارسين ودبس الرمان

اخذ
الخبز وادهنه بزيت زيتون( حق العرايس افضل الخبز فرش من المطاحن عشان لا يتشقق
بالحشو ) واحشيه واثلجه وبعدين احط كل كميه بروحها بجيس

****الكبب

سلطة الخس بالزعتر... وتجهيزات رمضان DSC02325

سويت كبه برغل وذاكره طريقتها بالموقع ..
البرغل من سمراء عدن واللحم استخدم هبر واخلطه مع شوي ثلج
واطحنه لما يكون نفس المرهم نفس طريقه الغاليه منى

سلطة الخس بالزعتر... وتجهيزات رمضان DSC02324

كبه
البطاط

استخدم طريقه الغاليه ام عزيزان

بطاطتين كبيره
مسلوقين بالماء

وحطيت كوب واحد
رز (الكوب= كاس الجبن) وسلقته بس لا يصير لين

وبعدها حطيت البطاط والرز في صحن لما يبردون وطبعا صفيتهم من الماء
قبلها

وفرمتهم بالفرامه مره وحده بدرجة
الوسط

وحطيت الملح واشوي كركم عشان تاخذ
لون بس وبديت اشكلها

نجهز الحشوه .... لحم مفروم محموس مع
بصل وصنوبر وملح ودارسين وفلفل اسود وبهار

وما شاء الله
كانت العجينه مضبوطه

وكانت تحتاج القليل من الماء المثلج
بس عشان اشكل فيها

سلطة الخس بالزعتر... وتجهيزات رمضان DSC02338

كبه الرز

هم استخدمت طريقه ام عزيزان بس انا اضيف زرشت بالحشوه
بدال الصنوبر

كاس
رز

بطاطه متوسطه

كركم وملح

واشبنت

كل هذى المقادير تفرم مع بعض

وتكبب بغمس اليد بالماء المثلج

والحشوه معروفه

لحم مفروم وبصل وثوم وبهارات وملح وزبيب او صنوبر حسب الرغبه

وتشكيل الكبه حسب الرغبه اقراص او
اصابع او مدببة الجوانب

وان شاء الله
تعجبكم