واحد مهموم من النسوان

شرم برم كعب الفنجان ... أوعا تقرب عالنسوان
جنب العقرب لا تقرب ... وجنب الحية فروش ونام
بكل وحدة منهن علة ... ويمكن سطعشر عقدة
الله يخلصنا منهن ... ريتو يبعتلن هدة
كل وحدة منهن قاضي ... بتفهم بقضايا الماضي
والحاضر والمستقبل ... شي مليان وشي فاضي
بتخليك تحب تسوح ... تنطرها من فوق سطوح
ولما بتتمكن منك ... بالآخر بتقلك روح
آني بنيّة مهيوبة ... لا تلحقني مخطوبة
وإذا ما كانت مخطوبة ... أو حتى مو محبوبة
بتقلك ترا أوعا تغار ... حوليّ العشاق كتار
بتخليك تشعلل نار ... تشغل حالك ليل نهار
ولحق إذا فيك تلحق ... حتى أحلاما تحقق
وما اتطيرها من إيدك ... تفرح فيها واتسفق
وإزا سبقك واحد زنكيل ... بترمي حبك بالزنبيل
بتعمل حالا مجبورة ... وعفراقك قلبا عليل
وإزا إنت كنت السباق ... يا ولهان ويا مشتاق
وإتجوزتا قبل الكل ... وإتسكر باب اللصقاق
سمي على روحك سمي ... وأوعا تنادي يا إمي
حوا اليومي ما بتخاف ... بتشوفا مو مهتمي
حوا اليومي يافهمان ... مو متل حوا زامان
مدري إنس ومدري جان ... وشرم برم كعب الفنجان